Laica Tthanchonak
CBC, USA nih Laica le holh le nunphung tthanchonak caah rian a ttuan mi Chin Association for Christian Communication (CACC) kha thazang a pek. Chinmi khrihfabu kip nih CACC chungtel sinak kha lak cio ding le thawhlawmpi ih 2% kha CACC rianttuannak ah pek ding in a forh hna. Khrihfabu a tam deuh cu CACC chungtel a si cia mi an si. Anmah tein pehtlaihnak cu an tuah lengmang. Feldeuh in thazang chuah ding long kha i forhfial a si.
CACC nih tawlrelmi Chin Christian College zong thazang pek aa tiim. Chin Christian College ahhin Laica hi subject pakhat in an chimh hna. CACC Secretary Dr. Hla Aung nih tu kum sianginn khar chungah Zotung le Matupi peng ah Laica cawnnak tuah ding kan i tiim a ti. Chin Christian College sianghngakchia hna nih Laica an chimh tawn hna.
CACC zunginn zong lian ngai in sak an duh. Lairam khrihfabu hna thazang nih a zawh lo caah ramdang khrihfabu kip kha bochan kan si.
CACC rianttuannak hi thazang pek a herhnak cu:
1) Laica tthanchonak caah,
2) Laiholh tthanchonak caah,
3) Lai nunphung tthanchonak caah,
4) Laimi chungin hruaitu ttha cathiam an chuah khawh nak caah,
5) Laimi hi pumsa, chawva le thlarau in kan tthanchonnak caah rian a ttuan mi,
6) Laimi kan i pehtlaihnak buu a si.
Chin Association for Christian Communication (CACC) a tthancho khawhnak ding caah rianttuan a herhnak vial long hi CBC, USA nih cun kan langh ter. Tamdeuh theih a duh mi nih CACC website http://cacc.info ah hin zoh le rel ding a si.